عـ الميكروباص

  1. متبوصليش بعين رضية ده طلع عين أمي في السعودية
  2. سهل تتعلم صعب تبقي معلم 
  3. ماشيين على صمولة ومسمار وربك هو الستار ! 
  4. عفاف - زينب ترجعلنا بالسلامة يا بابا
  5.  لما كنت عصفور كلونى، ولما بقيت اسد صاحبونى “
  6. تركب معايا اسليك تنزل اولع فيك
  7. ربنا يحميكى من الميكانيكى
  8.  ريحنى فى المطبات ودلعنى فالغيارات
  9. الحلوة مش ورث الحلوة جاية بطلوع الضرس
  10. متبوصش يا عبيط جايبها بالتقسيط
  11. ان نام السبع ،شويه كــلاب يكلوه 
  12. صاحبك اللى خانك زى دخانك ….. بفلوسك تشترية وبرجلك تطفيه
  13. الحلوه خوخه ،جت بعد دوخه 
  14. ما تبحلقش كده يا لوح، دي جت بطلوع الروووح
  15. مفيش صاحب يتصاحب
  16. قصه كفاح ،مش جايه على المرتاح
  17.  تعمل حسابي أقدرك، تهزر معايا أعورك
  18. قصه كفاح مش جايه على المرتاح للبيع عشان ترتاحوا ‎
  19. هسيبك كده ورايا…أصل إنت مش مستوايا )
  20. متسألوش دى بكام دى جايه بدهب المدام ‎
  21.  الحلوة أسمها تفاحة للسفر والسياحة
  22.  يا تهدي يا تعدي
  23.  يا بخت إلى صاحبه راجل
  24. لو الرزق بالجرى ماكنش حد حصلنى
  25. بختى مال من صحابى الشمال
  26. انت متعرفش تقلدنى انت يادوب تحسدنى.
  27.  بنزين فى التنك ولا فلوس فى البنك !
  28. لو باض الديك برضه مش هعديك
  29. مفيش حب صالح كله بتاع مصالح
  30. ماهى لو بالشنب كان زمان الصرصار سيد الرجاله.
  31. صغيرين بس معلمين
  32.  الدنيا يكفي شرها وهي رجعالك بضهرها
  33. اتنين ملهمش امان الفرامل والاخوان
  34. لا تمشى ورا أتوبيس الهيئة، ولا ست سايقة
  35. السولار في التنك احسن من الدولار في البنك
  36. يا توسعى منطلونك يا تدينى تليفونك
  37. ‏ العربية من غبور والحال مستور
  38. حتى هدف حياتى طلع .. تسلل
  39. الرجولة مواقف والندالة دروس 
  40. سلام يا بلد الكلام
  41. الدنيا خربانة… و الخلق تعبانة
  42. لا يرى المرء أبدا ما قد أنجز وإنما يلحظ ما بقي لينجز
  43.  ”ممنوع ركوب بتوع الفيستوك و الطنيطر
  44. التوك توك من لحم كتافى…فاضل شمسية و ابقى قذافى
  45. قصه كفاح مش جايه على المرتاح 
  46. اللى امه بتدعيله احسن من اللى امه بتديله
  47. ربنا ادانا وعين الناس مش سايبانا
  48. عبقري في زمن طري
  49. صغير بس يحيّر.
  50.  مطلوب عاملة نظافة
  51. اللى ربنا يحبه ويختاره يجيبله رزقه لحد داره
  52. جبنا المازدا وجيبنا الزيت وهى عليها خراب البيت
  53. ‏ لو لسه زعلان …… البحر مليان
  54. اديني تحيه واعديك بالعربيه
  55. الحلوة من حلوان وصاحبها راجل غلبان
  56. المضطر يركب التاكسى
  57. ماتجريش ورايا أختك مش معايا 
  58. خناقة السواقين من مصلحة الركاب
  59. 1 + 1 = 2 احميني يارب من العين
  60. متزعليش ياقطه بكرة تبقى تويوتا
  61. شوفو الجديد يا بلد التقليد
  62. أنا الاصل و الباقى تلاميذ فى الفصل
  63. لو صحبك خانك اعتبرو دخانك
  64. براحتها هى عارفه مصلحتها
  65.  يا مآمن للبدلة الميري يا مآمن لشاكيرا في سريري
  66. الحلوة فى مشوار وصاحبها على نار
  67.  مهما السمك كبر.. الحوت هايفضل حوت
  68. المجروحين يمسكوا يمين
  69. علمناه التاتتا تاتا .. كبر و اتعلم الغتاتة
  70.  دمعة البنت خداع وضحكتها ضياع
  71. الطريق ملعب واللعيب يلعب
  72.  شاب تاب ..بعد رحله عذاب
  73.  الرجولة ملهاش قطع غيار
  74. التعلم في الصغر …….. كالنقش على البق
  75. اذا كان الشيطان استاذ الرجل فهو تلميذ المراة
  76. دى مش دبابة دى رزق الغلابة
  77. حبيتها وأعدنا نلوك لوك، طلعت طمعانه في التوك توك
  78. مستوره خليك هادي لاني مبعرفش ادادي
  79. هيئه دبلوماسية
  80. الصاحب اللي يضر للخلف درر
  81.  المعرفه الخرا تجيب ورا
  82. اهرى يا مهرى و أنا على مهلى
  83. أمشي مع كلب يحمني و لا صاحب يسرقني
  84. الحاجة كيداهم اللي جايبهم واخداهم
  85. سوقوا بالراحه يابهايم، أصل سواق العربيه نايم
  86.  تمساح يبلعني و لا صاحب يخدعني !
  87. حب ايه يا جاهل ده مفيش بت تستاهل
  88.  أنا مستاء يا سناء
  89. الغلطة في لحظة و الندم سنييين
  90. لما تاكلك اهرش فيها

السيرة الذاتية لمرشحي الإعادة !!

  1. الدكتور محمد المرسي ..
  • ولد محمد المرسي في قرية ” العدوة ” التي تعتبر أحد أهم أعداء الديموقراطية في سنة 1951 , مركز هيهات محافظة الشرجية 
  • أثبت تفوقا مبهرا في دراسته الإبتدائية و الإعدادية و الثانوية لدرجة أنهم كانوا يلقبونه بالموث 
  • إنتقل للحياة الجامعية في القاهرة و إنضم لكلية الهلوسة و عمل معيدا بها بعد ذلك
  • خدم بالجيش المصري كجندي بالحرب الكيماوية مما أثر عليه بعد ذلك في خواصه 
  • حصل على ماجيستير في الفول لزات 
  • حصل على منحة دراسية من جامعة كاليفولا و إنتقل إلي الولايات الملتحية الأمريكانية
  • عمل مؤذنا في وكالة ناسا ثم إماما و خطيبا لاحد المساجد بالوكالة 
  • إنضم لجعانة الإخوان المسلمين عام 1977
  • ترشح لمجلس الشغب عام  2000و1995  و نجح و كان من أكثر المشاغبين في مجلس الشغب
  • لإنتخبته مجلس شورى الجعانة ليكون ر\يسا لحزب الحربة و الندالة 2011
  • ترشح في 7 إبريل 2012 كإستبن لخيرت الشاطر 
  1. الفريق احمد الشفيق
  • من مواليد محافظة الشرجية عام 1951 م 
  • تخرج من القوات الجوية عام 1961 و عمل كمحلق في السماء 
  • شارك في كل الحروب التي إنهزمت فيها مصر مثل حرب اليمن و حرب الإستنزاف و حرب 1967 
  • أصبح قائدا للقوات الجوية المصرية ليصبح هذا المنصب فقط للرجال الوطنيين الذين يحبون مصر مثل حسني السيد مباريك
  • أصبح بعد ذلك وزيرا للطيران المدني و حول مصر للطيران و مطار القاهرة إلي أحد أعظم مطارات العالم بتكلفة بسيطة جدا , يعتقد البعض أنه دفعها من ماله الخاص ..
  • إستعان به مباريك كرئيسا للوزراء محاولة لتهدئة الشعب و لكنه إستقال بسبب نزول الشعب للهتاف بحبه و هو ما أثر فيه جدا جدا 
  • ترشح بعد ذلك لمنصب طرطور الجمهورية أملا في بناء دولة حلوة
  • دائما ما تحدث الفريق أحمد شفيق عن برنامجه الرئاسي و لكن الشعب المصري لا يفهمه لدقته و تعقيده الرهيب
  • حاصل على دكتوراه في الفلسفة الإستراتيجية للفضائي الخارجي و قليلون جدا من هم يحصلون على الشهادة بنت الكلب ده 
  • دائما ما يستقبله مؤيدوه بالأحزية الفاخرة بدلا من الورود تعبيرا عن مدى حبهم و تقديرهم له 
  • قتل و إتقتل , مما أدى إلي حصوله على نسبة من أصوات الأشباح إلي إتقتل معاهم و أًصوات العسكر إلي قتل معاهم 
  • يعتبر من أكثر المرشحين رصانة و ذكاءا لدرجة أنه لا يفهم أحد شئ من كلامه 

خوابير تصريحات الاخوان

٢٠ يناير ٢٠١١

الإخوان لن تشارك فى مظاهرات ٢٥ يناير.. وترفع ١٠ مطالب للنظام لتهدئة احتقان الشارع ضده.

١٢ فبراير ٢٠١١

«الإخوان» بيان: ندعم الجيش ولن نترشح لانتخابات الرئاسة أو نسعى للحصول على أغلبية فى البرلمان ونعتبر أنفسنا أهل وفاء واحترام المواثيق.

١٤ فبراير ٢٠١١

«الإخوان» بيان: نعتزم تأسيس حزب سياسى بمجرد رفع القيود التى حالت دون ذلك فى عهد مبارك.. ولن نترشح لانتخابات الرئاسة.

٨ يونيو ٢٠١١

بديع: لن ندعم «أبوالفتوح» فى انتخابات الرئاسة.. واتفقنا على نسبة معينة سنخوض بها مجلس الشعب.. وعلينا لم شمل جميع القوى الوطنية.

٢١ يناير ٢٠١٢

«بديع»: الجماعة لن ترشح أحد أعضائها.. ولن تدعم أى مرشح إسلامى فى الانتخابات الرئاسية المقبلة.

٢٦ يناير ٢٠١٢

«بديع»: ندرس رغبة الأعضاء بالدفع بمرشح إخوانى فى انتخابات الرئاسة المقبلة.. والقرار فى يد مجلس شورى الجماعة.

٦ فبراير ٢٠١٢

الإخوان فى بيان لمكتب الإرشاد: لن نقدم مرشحا للرئاسة.. ونتصدى لمحاولات إشاعة الفوضى والهدم من منطلق إسلامى.. ونذرنا أنفسنا طوال ٨٠ عاماً لحماية مصر وخدمة أهلها.

٨ فبراير ٢٠١٢

«الشاطر»: الإخوان يرفضون استمرار حكومة الجنزورى.. وعلى استعداد لتشكيل حكومة إنقاذ «غداً».

١٢ فبراير ٢٠١٢

«رشاد بيومى»: لن نزاحم حكومة الجنزورى..وتصريح الشاطر حول تشكيل الحكومة استعداد للمسؤولية.

١٤ فبراير ٢٠١٢

«بديع» بعد تصويته فى «الشورى»: قادرون على تشكيل حكومة ائتلافية وإدارة شؤون الدولة.

١٨ فبراير ٢٠١٢

«غزلان»: لن نختار علمانيا للرئاسة ولم ندعم «العربى» مرشحاً توافقياً.

٨ مارس ٢٠١٢

«غزلان»: «الإخوان» لم تتفق على مرشّح لدعمه فى انتخابات الرئاسة حتى الآن.

١٠ مارس ٢٠١٢

«غزلان»: الإخوان لم يدعموا أحداً للرئاسة.. و«الشاطر» لن يتولى رئاسة الحكومة القادمة.

١١ مارس ٢٠١٢

«غزلان»: سيتم فصل أى إخوانى يدعم أبوالفتوح.. ولن نكيل بمكيالين فى هذه المسألة.

١٣ مارس ٢٠١٢

«غزلان»: الجماعة لم تتفق على مرشح للرئاسة من داخلها أو خارجها حتى الآن.

١٥ مارس ٢٠١٢

«غزلان»: الإخوان لا يتحاملون على الدكتور عبد المنعم أبوالفتوح فهو من خالف قرار الجماعة ورشّح نفسه للرئاسة.

٢١ مارس ٢٠١٢

«صبحى صالح»: الإخوان لن ترشح «الشاطر» للرئاسة.. ولا نريد أن نبعث رسالة استبداد واحتكار بالسيطرة على السلطتين التشريعية والتنفيذية.

٢١ مارس ٢٠١٢

«صبحى صالح»: أبوالفتوح وضعنا فى محك بالغ الخطورة بإعلانه الترشح لانتخابات الرئاسة.. ولن نضحى بتاريخنا ومستقبلنا من أجل واقع فرضه علينا فرد واحد.

٢٢ مارس ٢٠١٢                                

«غزلان»: ترشيح الإخوان أحد أفرادها للرئاسة وارد.

٢٥ مارس ٢٠١٢

محمد مرسى لـ«قناة مصر ٢٥»: الظروف تغيرت وأصبح من الوارد أن يرشح الإخوان رئيسا.. وإسقاط الحكومة مطلب كل القوى السياسية بمصر.

٢٦ مارس ٢٠١٢

«بديع»: ندرس رغبة الأعضاء فى الدفع بمرشح.. ومجلس شورى الجماعة سيحسم قرار ترشح أحد أعضائها.

٢٨ مارس ٢٠١٢

«عاكف»: الإخوان لن ترشح رئيسا للجمهورية ودعم الجماعة لـ«أبوالفتوح» وارد.

٢٨ مارس ٢٠١٢

حلمى الجزار: حكومة الجنزورى الأكثر فشلا وعليها الرحيل الآن.. وأخطاء العسكرى فى المرحلة الانتقالية بالجملة.

٢٩ مارس ٢٠١٢

«غزلان»: لا توجد ضغوط من «العسكرى» لاختيار رئيساً.. وهناك خلاف بين «العسكر» والجماعة بسبب تمسكه بحكومة الجنزورى.

٣١ مارس ٢٠١٢

«بديع»: مصر تحتاج لمرشح رئاسة قوى و«الجماعة» اختارت «الشاطر» ليترشح عنها لرئاسة الجمهورية.

١ أبريل ٢٠١٢

«الشاطر»: لم أتطلع يوما لأى منصب.. ولا أستطيع إلا قبول قرار الجماعة بالترشح لانتخابات الرئاسة.

ليس بذلك تكون الدعوة

  • الحكاية بدأت عندما كنت مع أصدقائي عند جامع الشاطئ بشارع طرح البحر 
  • كان هناك بعضا من الاخوة السلفيين يضعون منصة أمام المسجد و عارض كبير لقناة الناس بصوت مرتفع 
  • في الحقيقة لم أكترث لاى شئ مما يفعلون , إلا بعدما إستلمت ورقة كانوا يوزعوها على المارة 
  • طبقت الورقة و وضعتها في جيبي و لم أقرأها بعناية إلا عندما عدت إلي المنزل 
  • الورقة كان مكتوب فيها هذه القصة :

القصة كانت كالتالي : شاب توفى و عندما جاءت لحظة دفنه و فتحوا قبره وجدوا ثعبانا عظيما فأمر الشيخ الذي يدفنه بأن يحفروا له قبرا جديدا و عندما حفروا له القبر الجديد وجدوا نفس الثعبان العظيم ، فأمر الشيخ بإنزاله القبر ، فوجدوا أن الثعبان إلتف حول الشاب و عصره و سمعوا صوت تكسير عظمه كتهشيم حزمة الكرات ، و عندما سألوا أباه ماذا كان يفعل هذا الشاب قال لهم : كان يفعل كل شئ جيد و يبر والديه و يصوم و لكنه لم يكن يصلي …. 

  • هل هكذا تكون الدعوة بالترهيب و التخويف و قصص العذاب في الحقيقة هذه القصة لم اقتنع بها أبدا و اعتبرتها شيئا من الهزيان .. و الدليل على ذلك أن عذاب الاخرة هو عذاب روح ، لأن الروح تصعد إلي السماء بعد موت الشخص .
  •  لم نسمع عمرنا عن شخص بلطجي مات في مشاجره أو ما شابه و تحفظت عليه المشرحة لحين تحقيق النيابة ، ووجدنا ان المشرحة تزلزلت أو ثلاجة هذا البلطجي احترقت أو غير ذلك ..
  •  !!لماذا يكون الدعوة إلي الذين بكل هذا القدر من الترهيب ؟؟
  • لقد بدأ الله كتابه ب ” بسم الله الرحمن الرحيم ”  ثم كررها في فاتحة كتابه ” الرحمن الرحيم ” و كان سبحانه و تعالى يستطيع ان يقول القهار الجبار و لكن من حكمته ان يقول الرحمن الرحيم و الرحمن هى صفة لله وحده فقط 
  • كذلك الله سبحانه و تعالى يقول كل يوم هل من تائب أغفر له , و لا يقول “سبحانه ” هل من ظالم أعذبه او ما شابه ذلك في المعنى ..
  • يجب ان تكون الدعوة الي دين الله بالحب و المودة و الكلمة الطيبة و ليست بالتخويف و الترهيب 
  • و مع ذلك فهم يغضون بصرهم عن القضايا المهمة في الدولة و التي ليست على اهوائهم و يقولون عليها فتنة و الكل يعرف هذه القضايا التي أثيرت من بعد الثورة …

خابور بوك

  • المصرييون معروفون دائما بسوء الاستخدام في كل شئ حتى الانترنت 
  • المأساه هذه المره مع موقع التواصل الاجتماعي فيس بوك و الذي أصبح كل من هب و دب له حساب عليه 
  • حتى إني رأيت سائق تاكسي يعاكس فتاه و يقول لها ” هوا انتا بتتقل ليه ده منا عندي فيس بوك انا كمان ” و من وقتها و انا حسيت إن هناك شيئا غريبا يحدث
  • الغريب في المصريين أنك تستطيع أن تفهم كل شخص من خلال حسابه الشخصي فحتى و إن كان منافقا في حياته الشخصية فهو ليس منافق على الفيس بوك حتى و إن وضع صورة وهمية ليست له
  • مثلث الرعب المصري على الفيس بوك هم الأشخاص و البيدجات و البوستات التي يتداولوها 
  • سأبدأ بالاشخاص وأنواعم و بعض التفسيرات الفسيوليجية العميقة و المتأنية لما يفعلونه من جرائم بشعة يوميا على الفيس بوك :
  1. أولا : في ناس فاكره زى المسنجر كده و بتفتحه علشان تعمل شات مع اصحابها و النوع ده مش مضر ولا حاجة
  2. ناس تانية مفكراه مزرعة بنات و داخل يعمل إضافة لأى بنت بتقابله سواء يعرفها او ميعرفهاش و النوع مضر جدا لانه أحيانا بيعمل أكاونتات لبنات , و يفضل يكلم في بنات على إنه بنت و بيسعى في الفيس فسادا
  3. نوع تالت و هو نوع الحكماء و النوع ده ظريف جدا بحيث إنه يفضل يكتب في حكم و أمثال لا تتعلق بأى شئ و لا داعي لها , فهو لا يعلم حتى من الشخص أو ما الظروف التي كتبها فيها مؤلفها و أحيانا لا يعرف معناها .
  4. اللاعيب : يدخل ليلعب كونيكت فور و المزرعة السعيدة و تجد صفحته الشخصية هي مستودع لنتائجة التي يتفاخر بها امام أصحابه 
  5. بعض البنات تدخل و تجدهم مشتركين في جروبات للحب و العذاب و تجدهم يكتبون كل ما هو رومانسي و يستمعون إلي الاغاني الرومانسية العربية و الاجنيبية , حتى تجد نفسك في حالة من الاغماء من التعليقات  مثل (so cute , luv this song , b3sh2o moot <3 , nice words ) و هكذا من الكلمات بنت ال….. 
  6. أشخاص أخرين بيعملوا شير لاى حاجة تقابلهم من أى مكان و اى زمان حتى إني مرة شوفت واحد كان عنده على الوول أية قرأنية و بعده أغنية شعبية بها راقصة و هكذا ..
  7. بعض الاشخاص الذين يعتقدون أنفسهم من عالم أخر موازي للأرض فتجدهم يكتبون و يصورون انفسهم  صورا عجيبة مريبة 
  8. و ناس طبعا داخلة الفيس بوك غلط 
  • ثانيا بعض البيدجات و التي لا تحتاج إلي وصف :

رحلة من الشك إلي اليقين في هذا المشهد الذي أبكى العرب  ” بأكملهم ” و طلب الغرب ترجمته 

في البداية أنا اول لما شوفت البيدج ده , أعصابي توترت و كنت هعيط من قبل لما أشوف المشهد 

دخلت على البيدج لقيت إلي انتوا شايفينوا في الصورة ده بنت عامله وضع الامساك و في إيديها مايك

 إعتقدت انه مشهد من احد الافلام العربية و لكن تذكرت ان الافلام العربية لا تضحك و لا تبكي و لا تحدث اى شئ 

دعم بسيط لصفحاتهم هيخليهم يشحنولك بكروت فئة 100 و بالطبع لو الخبر ده بجد يبقى الشركات ممكن تفلس بسبب الملايين إلي ممكن تدخل علشان تشحن 
ده انا حتى في مرة رحت اجيب كارت شحن من شركة اتصالات قالولي اعمل دعم لصفحاتنا على الفيس بوك و هنشحلك كارت 100
و طبعا صاحب تنزيل الخبر مكنش مصدق الا لما شاف ناس اتشحنلها :D:D
الصورة ده منتشرة بكثرة في الجروبات الاسلامية على انها معجزة
الصورة باينة جدا انها فوتوشوب و غير صحيحة لكن ايه الهدف من الصور ده و نشرها
المشكلة ان في ناس بتدخل تقول سبحان الله و تتعجب على انها معجزة و لكن المعجزة الحقيقية عي في عقولهم المريضة 
يعني مش لاقي وصف أخلاقي أردبيه على خبر زى ده 

عندي صديق اسرائيلي فعلا سالته قولتله هوا ايه السؤال إلي بيقهركم , قالي عدد محبين الفلسطينين على 
الفيس بوك 

المشكلة في الناس الي عملت لايك بجد و مفكرة انها بكده وطنية و هتحرر فلسطين بزرار اللايك ده 
قمة التفاهة ان تفكيرنا يوصل لكده في الوقت ان لما بيحصل عدوان على غزه كلنا بنقف نتفرج و ساعتها اللايك مش هتنقذ الفلسطنيين
التعليقات الي في الصورة هي الي بتتكلم يا مصريين يا ولاد ال….

مشهد 2 من فيلم حبيبي خابورا

  • في منزل هانم بأحد الأحياء الشعبية 
  • الشخصيات : مسعد العوضي والد هانم ,  رتيبة أم هانم , هانم زات نفسها
  •  الأسرة جالسة في غرفة الجلوس في منزل ضيق مكون من غرفتين و حمام و يشاهدون مسلسل عائلة ونيس من خلال تليفزيون 17 بوصة بأريال طويل
  1. هانم : بقولكوا إيه , انا في واحد بيحبني و عايز يخطبني
  2. مسعد : نعم يا روح أمك واحد مين ده ؟
  3. رتيبة : إستنى يا مسعد لما نعرف إيه الحكاية 
  4. مسعد : حكاية إيه إنتي مش سامعة بتقولك حب و كلام فارغ من بتاع الافلام
  5. هانم : ده واد معاه قرشين حلوين و عنده تاكس بتاعه و شغال عليه و بيطلع منه بقرشين حلوين
  6. مسعد : اها إذا كان كده تمام
  7. رتيبة : حظك يا بت من السما مش زى امك بختها مايل 
  8. مسعد : قصدك إيه يا ولية ؟
  9. رتيبة : مقصديش إلي على راسه بطحة بقى
  10. مسعد : أيوا كده اتعدلي
  11. هانم : إيـــــــــــــــه إنتوا هتمسكوا في بعض ولا إيه , خلونا في المهم
  12. مسعد : بدل المهم بقى , يبقى روحي إعمللنا 3 إندومي لزوم الشئ
  • تذهب هانم لعمل الإندومي و يتحدث سيد إلي رتيبة بصوت خافت 
  1. مسعد : إنتي مالية إيدك من ال بت ده
  2. رتيبة : عيب ده انا عاجناها و خبزاها
  • تأتي هانم بالإندومي و تجلس لاكمال الحديث
  1. مسعد : بقولك إيه , إنتي مالية إيدك من الجدع ده
  2. هانم : عيـــــب ده أنا بلاعبوه على الشناكل و الصنارة غمزت
  3. رتيبة : و الله و هنأب و هنروح و نيجي ببلاش 
  4. مسعد : بصي عايزك توقعه لشوشته وانا لما اجهز نفسي هقولك تجيبيه إمتا 
  5. هانم : من عينيا 
  • تنظر هانم إلي والدتها و هي تحتسي شوربة الإندومي و تغمزها لها قائلة بنتك مش سهلة

و ينتهي مشهد أخر لعين من هذا الفيلم اللعين

يتبع

مبدأ الخابور الفلسفي

  • مبدأ الخابور الفلسفي يعتبر أهم المبادئ الفلسفية على وجه البسيطة
  • بداية الحكاية عندما ذهب أحد الرحالة الاوروبيين إلي مدينة ” كان خابور ” بإمبراطورية طشقمند بجبال خابورنيس
  • عدد سكان هذه المدينة 27777 
  • سميت مدينة كان خابور بهذا الاسم لوقوعها على جبل بركاني يشبه الخابور 
  • عملة مدينة كان خابور هي اللالالالي
  • كان هذا الرحالة يسمى خابوروفيتش 
  • وجد خابوروفيتش أهل هذه المدينة ضخام الجثة , بطونهم متدلية و بشرتهم سمراء و يتمتعون بعته و بلاهة غير متناهية
  •  إكتشف خابوروفيتش الخابور جزء لا يتجزأ من حياتم اليومية 
  • كان أهل كان خابور يستخدمون الخابور في كل شئ 
  • كما كانوا يقولون مساء الخابور و صباح الخابور 
  • إعتمد خابوروفيتش في نظريته الفلسفية على الاعمال الغير متناهية لقدرات الانسان البشري
  • بدأ خابورفيتش العمل حتى توصل إلي نتائج لا نهائية أهمها :
  1. الخابور لا يفنى و لا يستحدث من العدم و لكن يمكن تحويله من صوره إلي أخرى
  2. الخابور هو أحد صور الطاقة
  3. يعد الخابور البعد الخامس لذلك سوف نرى يوما ما أفلام 5 دي 
  4. حاصل ضرب طول الخابور في عرضه في إرتفاعه هو حجم وهمي لان الخابور لا يمكن تحديد حجمه الفعلي 
  5. الخابور لا يخضع لقوانين نيوتن
  • لذلك بدأ خابوروفيتش بعدما توصل إلي هذه النتائج إلي العمل على إعداد نظرية الخابور الفلسفية الشهيرة 
  • عندما إنتهى خابوروفيتش من النظرية دونها في كتابه الشهير ” الرجل المغمور في زمن الخابور ” على الناس و كان أهم مبادئها
  1. الخابور شئ لا يمكن تعلمه لكن يمكن التفكير بطريقة خابورية
  2. إذا أصيب قوما في خوابيرهم فإصنع لهم مأتما و عويلا
  3. كل خطوة في حياتك هي خطوة نحو خابور
  4. من لم يمت بالخابور يمت بغيره , تعددت الاسباب و الخابور واحد
  5. من طلب الخابور سهر الليالي
  6. الانسان الناجح هو من جرب الخابور قبل النجاح
  7. لا تثق بخابور حتى لا تصدم
  8. أسرع الطرق لنشر الفكرة الخابورية هي المرأة و التلفون الانترنت
  9. من تكلم في خابورا لا يعنيه , سمع كلاما لا يرضيه
  10. يصوم يصوم و يفطر على خابور
  11. شر الخابور ما يضحك

www.facebook.com\DODY.DODZ

مشهد 1 من فيلم حبيبي خابورا

  1. المكان : سيد تلوث بتاع لحم الحمير , الزمان : بعد المغرب بشوية
  2. الأبطال : برعي و هانم
  •  بداية المشهد برعي تنتظر هانم اسفل الكوبري و ينتظر الميكرباص الذي تأتي به فيتصل بها على المحمول
  1. برعي : انتي فين يا هانم يا حبيبة قلبي أنا عجن عليكي 
  2. هانم : أنا في الميكروباص يا روووحي و جاية أهو
  3. برعي : أنا مستنييكي أهو يا حبيبة قلبي , إقفلي بقى علشان الدقيقة 
  • وصلت هانم اخيرا الي برعي وكانت ترتدي عباية سوداء ضيقة مطرزة بورود حمراء كما كانت ترتدي طرحة على رأسها ولكن كانت تظهر أوصة بلون أصفر 
  1. برعي : وحشتيني يا روح قلبي أنا كنت عجن عليكي
  2. هانم : انتا عمرك ما وحشتني علشان انا كل لحظة انتا فيها في بالي 
  3. برعي : يا سلام يا هانم طول عمرك حساسة و رومانسية أوي
  4. هانم : إيه هتغديني إيه انهارده 
  5. برعي : الي تأمري بيه يا حبيبة قلبي 
  6. هانم : انا نفسي في شاورمة و سلطة الكرمب بتاعة الكنتاكي
  7. برعي : من عينيا يا حبيبة قلبي 
  • ينصرف الاثنان متوجهين إلي محل سيد تلوث 
  1. برعي : هأكلك شاورمة من عند أجمد واحد فيكي يا مصر
  2. هانم : ميرسي يا روحي
  3. برعي : 4 شاورمة ياض يا سيد و اتوصي 
  4. برعي : عندك سلطة كرمب ياض يا سيد 
  5. سيد : لا يا برعي معنديش إلا طرشي
  6. برعي : معلش يا حبيبة قلبي المرة الجاية هبقى أجيبلك سلطة الكرمب 
  • بعد أن تاتي الشاورمة 
  1.  برعي : إتفضلي يا حبيبة قلبي أحلى شاورمة
  2. هانم : انا مش هاكل أكلني انتا 
  3. برعي : إفتحي بؤكل الحلو ده يا هانم 
  4. هانم : أهو
  5. برعي : هممممممم يا جمل 
  6. هانم : ههههههههههههههههههه دمك شربات يا مضروب 
  7. برعي : ده بس روحك الحلوة يا حبيبة قلبي 
  8. برعي : تحب أجيبلك الساقع تبلعي ؟
  9. هانم : أوكي أوكي
  10. برعي : أجيبلك كاكولا و لا زبورت
  11. هانم :لا لا كاكولا
  12. برعي صائحا : 2 كاكولا صاروخ ياض يا سيد
  13. برعي : أحلى كاكولا لست البنات
  14. هانم : ميرسي يا بيبي
  •  بعد أكل الشاورمة يقطع برعي قطعة من علبة السجاير بتاعته ليسلك بها قطع الشاورمة المحشورة بين أسنانه , فتقول هانم له سو كيوت يا بيبي و ينتهي المشهد اللعين على ذلك ..

يتبع ..

عصير الخنزير و الخابور الكبير

  • خابور الخنزير أخد مكانة جامدة جدا في العصر الحديث
  • في البداية كانت صورة على النت بتقول متشربش بيبسي علشان معمول من عصارة أمعاء الخنزير قلت ماشي مش مشكلة نبطل بيبسي
  • بعد كده كنت باكول بسكوت واحد قالي ده مصنوع من الخنزير
  • و بردوا واحد قالي ان في جبنة معمولة من الخنزير
  • حسيت ان الحاجات كلها بقت مصنعة من الخنازير
  • لدرجة اني سمعت واحد بيقول ان فراخ كنتاكي ده من الخنزير 
  • و بردوا في مرة واحد كان بيعمل صوت واحد قاله إن ده صوت الخنزير
  • بالطريقة ده أصبح الخنزير هو أشهر حيوان على وجه البسيطة 
  • و زاد الموضوع اوى بعد انفلونزا الخنازير 
  • ربنا سبحانه و تعالى حرم علينا لحم الخنزير من خلال القران الكريم
  • الكلام في الفران الكريم واضح جدا علشان كده ملوش لزمة التشدد مع إن أغلب الكلام ده بيبقى من شركات منافسة بغرض التشويه 
  • مش أى حد او اى حاجة تشوفها على النت تصدقها علشان كده لازم تتأكد بنفسك
  • أى منتجات بتبقى مصنعة من أى حاجة من الخنزير بيبقى عليها علامة توضح كده 

مبارك : خابور من زمن أخر

  •  مبارك هو من مواليد مدينة طيبة عاصمة مصر القديمة و يعتبر أخر الفراعنة الموجودين على وجه الارض
  • قرر أبوه ان يلحقه بمدرسة الرئاسة الفرعونية التجريبية ليتعلم كيف يصبح رئيسا فرعونيا في يوم من الايام
  • أظهر مبارك زكاء غير محدود في هذا المجال كما كانوا يلقبوه من صغره بالريس
  • أصيب بعدها مبارك و هو في سن الشباب بأزمة صحية خطيرة
  • قرر والده أن يذهب به إلي الطبيب 
  • بعد كشف الطبيب و العديد من الفحوصات الطبية إكتشف أن قلبه طيارة ورق قلبك طيرها لفوق و التي ترجمت في عصرنا الحديث إلي أغنية للفنان علاء عبد الخالق
  • بعد معرفة والده ان قلبه طياره ورق قرر أن يلحقه بالكلية الجوية 
  • تميز مبارك بقدرته العالية على التحليق لدرجة انهم لقبوه بالصقر و لكن اللاعب أحمد حسن انتزع منه هذا اللقب دون ان يعلم أحد ما هو السبب
  • تخرج مبارك من الكلية الجوية بشهادة امتياز جدا و أصبح من عظماء المحلقين
  • في يوم من لايام و هو كان محلقا بجوار طيارة كانت ذاهبة إلي شرم الشيخ , راى فتاه أعجبته و قرر ان يلاحقها بطائرته ليتعرف عليها
  • تعرف مبارك على هذه الفتاه في شرم الشيخ و كانت تدعى سوزان مبارك و التي عرفت فيما بعد بإسم سوزان ثابت و لكن لم يكن احد يعرف اسمها الحقيقي ولا حتى مبارك نفسه  
  • تزوج مبارك من سوزان و انجبا ولدين هما علاء و جمال 
  • كان مبارك و سوزان بيدلعوهم بجيمي و لولو و كانوا طفليم مسالمين و لا ليهم في الطور و لا في الطحين
  • أصبح مبارك قائدا للقوات الجوية في حرب 1973 
  • يعتقد الجميع أنها كانت حربا ما بين بلدين و لكنها مغالطة كبيرة 
  • انما كانت خلاف شخصي ما بين مبارك و موشى ديان قرر بعده مبارك تحرير سيناء لاسترجاع شرم الشيخ التي قابل فيها حبيبته اول مره و تدمير اسرائيل وحده
  • أخد مبارك طائرته و ضرب بها إسرائيل ضربه واحده دمرت إسرائيل جميعا
  • رفض مبارك نسب الانتصار إلي نفسه و اكتفى بلقب صاحب الضربة الجوية و رجل الحرب و السلام و بطل اكتوبر و نسر اكتوبر …
  • فرح السادات فرحا شديدا عندما فعل مبارك هذا حتى مات من شده الفرحة
  • انتخب الناس مبارك رئيسا لمصر بنسبة 99.99 %
  • انتخب مبارك بعدها رئيسا لكل شئ في مصر 
  • كبر لولو و جيمي و أصبحا من كبار رجال الدولة و عندها سالهم أبوهم تحبوا تبقوا ايه 
  • رد عليه جيمي انه نفسه يبقى راجل اعمال كبير و لولو قاله انا نفسي ابقى زيك
  • من بعدها قرر مبارك ان يشرك علاء في كل الاستثمارات بدون راس مال و ولى جيمي أمانة الحزب الواطي 
  • انتخب مبارك رئيسا لمصر 5 مرات في كل مرة بنسبة 99,9 % و ده طبعا دليل على حب المصريين ليه
  • حتى جاءت سنة 2011 بعد حكم 30 سنة ليظهر الشعب مدى حبه لهذا الرجل العظيم و ذلك بعد قراره بالتنحي لانه كما قال زهق من الرياس و قرفها
  • نزل ملايين المصريين الي الشوارع للمطالبة بتكريم مبارك في ميدان التحرير و لكنه رفض التكريم بسبب تواضعه و قرر التنحي
  • ثم جاء يوم 11 فبراير ليطالب في الناس بعودة مبارك الي السلطة و لكنه أصر على قراره بالتنحي و الذهاب مع زوجته و اولاده إلي شرم الشبخ للاستجمام
  • طالب بعض العملاء المندسين لمحاكمته و لكنه فاجا الجميع بقبوله أن يحاكم و هذا بسبب شدة تواضعه
  • أصيب مبارك بوعكة صحية لا يعرف أحد سببها و لا متى اصيب بها و لكنه نقل إلي المركز الطبي العالمي 
  • أهدى الشعب المصري له طائرة هليكوبتر ليتنقل بها كما يشاء 
  • أهم إنجازات مبارك :
  1. بناء كوبري مبارك
  2. مستشفى مبارك
  3. مساكن مبارك 
  4. صالة مبارك
  5. حى مبارك
  6. محطة مبارك
  7. شارع مبارك
  8. كبانيه مبارك
  • أشهر أقواله :
  1. خليهم يتسلوا : عندما كان اعضاء الاخوان يلعبون خارج البرلمان و رفضوا دخول الجلسة فقال للاعضاء خليهم يتسلوا و قرر عدم توقيع العقوبة عليهم لطيبة قلبه
  2. لم أكن انتوي : عندما قرر مبارك الانتواء و تراجع في قراره
  3. كبر دماغك : احد أيام البرد و كان ت دماغ جمال منكمشة من البرد فقال له كبر دماغك
  4. إما انا او الفوضى : ده قبل لما يطلع … أبونا 

شخصيات السينما المصرية التي نافست على أوسكار

فانتوماس: ظهر الممثل حسن مصطفى بهذا الإسم فى فيلم “مطاردة غرامية”
احمد بابادوبلو: ايضا الممثل حسن مصطفى،فى فيلم زوج فى أجازة
ابراهيم سن الفيل: الممثل حسن حسين فى فيلم”عفريت مراتى”
محمد كررع:الممثل عادل إمام فى فيلم عفريت مراتى
جنجل ابو شفتورة: الممثل محمد رضا فى فيلم “30 يوم فى السجن”
أمشير: فريد شوقى فى فيلم”30 يوم فى السجن”
مزاجانجى: محمود عبد العزيز فى فيلم”الكيف”
البهظ بيه: جميل راتب فى فيلم “الكيف”
مسعود نانانناس: فؤاد خليل فى فيلم “الكيف”
على الله نعمة(على تنطق بفتح اليائ زى حرف الجر “على”): محمود عبد العزيز فى فيلم “زيارة السيد الرئيس”
حندوسة: احمد الصاوى فى زيارة السيد الرئيس
حسن الضبيش:الفنان حسن الاسمر فى فيلم”زيارة السيد الرئيس”
اللمبى: دور محمد سعد فى فيلم “الناظر” ومجموعة من الأفلام التالية قام فيها بنفس الشخصية
جوعدار: الممثل وحيد سيف فى فيلم”الوزير جاى”
ظنانة: ممثل لا اذكر اسمه فى فيلم الوزير جاى
الدقشومى والدفاس وفيسوانى والأنتيخ:افراد عصابة المخدرات فى فيلم”العار”
حسن هدهد: احمد زكى فى فيلم كابوريا
عوكل بورروء الجن: محمد سعد فى فيلم”عوكل”
بلالايكا:الممثل عزيز عثمان فى فيلم”لعبة الست”
مارنجوس: فريد شوقى فى فيلم “صاحب الجلالة”
عسكرانى:فؤاد المهندس فى فيلم “صاحب الجلالة”
الهرم:نجاح الموجى فى فيلم “الكيت كات”
عصفور قمر الدين: عبد المنعم ابراهيم فى فيلم سر طاقية الاخفاء
سبلليجى:الممثل محمد متولى فى فيلم سلام يا صاحبى
رامى قشوع: ممدوح عبد العليم فى بطل من ورق
سامح سفنتح:ممدوح عبد العليم فى فيلم الذل
هدينام: ليلى علوى فى فيلم الذل
العربى سيطرة والمرة بزيادة: ماجد الكدوانى وممثل آخر فى فيلم الرجل الأبيض المتوسط
حسب الله بعضشى:جمال اسماعيل فى مسرحية سيدتى الجميلة
فرنسا: عبلة كامل فى اللمبى وخالتى فرنسا
زكى قِدرة: عادل ادهم فى احد الأفلام
بجيت حنيدق المهيطل: عادل امام فى بخيت وعديلة
عديلة صندوق:شيرين فى فى بخيت وعديلة
السحت:احمد راتب فى مسلسل المال والبنون
مصطفى بطاطا:محمد متولى فى مسلسل ارابيسك
طنط كيمت:شخصية كان رشدى اباظة بيحلف بيها فى فيلم الرجل الثانى
عدوى السرياقوسى:رشدى المهدى فى فيلم جائنا البيان التالى
كله ماشى:فؤاد المهندس فى خمسة باب
حسن سبانخ:عادل امام فى الأفوكاتو
حلاوة العنتبلى:صلاح نظمى فى فيلم على باب الوزير
بالاليكا:عزيز عثمان فى لعبة الست
ابو مؤتة:ممثل فى فيلم فول الصين العظيم
كوريا: الممثلة التى قامت بدور الراقصة فى فيلم عسكر فى المعسكر
حيرم: يونس شلبى فى تمثيلية عيون
نايلون وبلابيعو:حسن فايق واسماعيل ياسين فى فيلم ليلة الدخلة